Fréttir

ALÞJÓÐLEGUR DAGUR FATLAÐS FÓLKS Í dag, 3. desember, er alþjóðadagur fatlaðs fólks. Berjumst saman fyrir réttindum fatlaðs fólks og fögnum fjölbreytileikanum.

Laugardaginn 19. nóvember verður Vetrarmarkaður í Grænu könnunni. Þá koma til okkar góðir gestir með allskonar varning til sölu: lambaskinn, gærur, hunang, kæfu, reyktan silung, prjónavörur, sultur, síróp, púða, listaverk og heimabert jólaskraut. Og að sjálfsögðu verða sólheimavörurnar til sölu í búðinni. Markaðurinn opnar klukkan 11.  

Íslandsmót Íþróttafélags fatlaðra í einliðaleik í Boccia var haldið síðustu helgi í Reykjanesbæ. Íþróttafólk úr Íþróttafélaginu Gný tók þátt með góðum árangri og kom heim með ein verðlaun. Með glæsilegri spilamennsku náði Ólafur Hauksson 3. Sæti. Til hamingju Ólafur og Gnýr með glæsilega frammistöðu.

Sólheimar tóku þátt í Landbúnaðarsýningunni Íslenskur Landbúnaður í Laugardalshöll síðustu helgi. Þar sýndum við lífræna framleiðslu okkar: krem, sápur, grænmeti, kaffi, kerti og fleira.  

Um liðna helgi opnaði sýning Elfu Bjarkar Jónsdóttur, listamanns Listar án Landamæra 2022, í Hafnarborg. Sýningin heitir Gulur, dökkgrænn, fjólublár... Hér eru myndir frá opnuninni.