Menu
Menu

Byggðin og íbúarnir

Samfélagið

Á Sólheimum hefur á rúmum 90 árum byggst upp byggðahverfi sem er einstakt, byggðahverfi þar sem:

 félags- og menningarlíf er öflugt

atvinnutækifærin eru fjölbreytt

 fjölbreytt og alþjóðlegt mannlíf ríkir

Lífræn ræktun er í öndvegi

Byggðin

Íbúar Sólheima leggja áherslu á að hafa á boðstólnum handunnar og heimagerðar vörur sínar.
Hægt er að fá sultur, brauð, grænmeti, kökur, tré, listmuni, kaffi,  og snyrtivörur svo fátt eitt sé nefnt.

Gestum er velkomið að taka þátt í starfi Sólheimakirkju, sækja tónleika, njóta fræðslu í Sesseljuhúsi eða bara ganga um og skoða samfélagið.

Byggðin

Á Sólheimum er sjálfbært samfélag með skýra og jákvæða ímynd sveitaþorps sem einkennist af gróðursæld, aðlaðandi útfærslu opinna rýma auk mannvirkja sem falla vel inn í landslagið.

Það er tryggt rými fyrir íbúðar- og atvinnuhúsnæði, þannig að fjölbreytt mannlíf og atvinnulíf geti áfram vaxið og þróast. Einnig eru kjörnar aðstæður til útivistar og samveru sem stuðla að heilbrigði og vellíðan íbúa.

Byggðahverfið á Sólheimum byggir á fjórum grunn þáttum.

Byggðin

Samfélagið

Á Sólheimum er samheldið og fjölbreytt samfélag, þar sem hver einstaklingur er mikilvægur og hefur hlutverki að gegna. Traust og virðing ríkir milli manna og íbúum og gestum líður vel.

Atvinnulífið

Á Sólheimum er atvinnustarfsemi byggð á lífrænni ræktun, garðyrkju og matvælaframleiðslu, handverki og iðnaði úr náttúruafurðum, auk náttúru og heilsutengdri ferðaþjónustu.

Náttúran

Á Sólheimum er náttúrnni sýnd virðing og leitast við að vernda náttúrulega ferla eins og unnt er.

Menningarlífið

Á Sólheimum er öflugt menningarlíf tengt fjölbreyttum listgreinum ásamt umhverfistengdri fræðslustarfsemi, sem styrkir tengsl samfélagsins bæði inn á við og út á við.

Kort af Sólheimum

Íbúar

Rúmlega eitt hundrað manns búa í byggðahverfinu að Sólheimum. Yngsti íbúinn er nokkurra mánaða og sá elsti á áttræðisaldri. Flestir íbúar starfa á Sólheimum en hluti íbúa vinnur annars staðar. Börn á leik- og grunnskólaaldri sækja Kerhólsskóla á Borg.
Stærstur hluti íbúðarhúsnæðis á Sólheimum er í eigu Styrktarsjóðs Sólheima en lóðir hafa verið leigðar og íbúar byggt sitt eigið húsnæði.

The cookie settings on this website are set to 'allow all cookies' to give you the very best experience. Please click Accept Cookies to continue to use the site.
You have successfully subscribed!