Garðyrkjustöðin Sunna

Sesselja Hreindís Sigmundsdóttir, stofnandi Sólheima, var mikill brautryðjandi sem lagði áherslu á virðingu fyrir náttúrinni, sjálfbærni og ágyrgð gagnvart umhverfinu. Eftir nám erlendis kom Sesselja heim með nýja þekkingu á lífrænni og lífefldri ræktun. Upphaf lífrænnar ræktunar á Íslandi og jafnvel á öllum Norðurlöndunum má rekja til frumkvöðlastarfs Sesselju á Sólheimum.

Ræktun hófst á Sólheimum strax við stofnun þeirra árið 1930. Garðyrkjustöðin Sunna hóf svo starfsemi árið 1956 og starfar enn eftir gildum og markmiðum Sesselju.

Garðyrkjustöðin Sunna ræktar fjölbreytt úrval af grænmeti á eins hreinan og umhverfisvænan hátt og okkur er mögulegt.