VERIÐ VELKOMIN Á SÓLHEIMA
Sólheimar bjóða upp á gistingu, veitingar, afþreyingu og listmuni.
Opnunartími um Páskana
Kaffihúsið Græna Kannan og verslunin Vala eru opin:
Skírdag 14. apríl 13:00 til 16:00
Föstudagurinn langi 15. apríl LOKAÐ
Laugardagurinn 16. apríl 13:00 til 16:00
Páskadagur 17. apríl LOKAÐ
Annar í Páskum 18. apríl 13:00 til 16:00
VERIÐ VELKOMIN Á SÓLHEIMA
Sólheimar bjóða upp á gistingu, veitingar, afþreyingu, sýningar, safn og listmuni.
Kaffihúsið Græna Kannan og Verslunin Vala
eru opin alla daga frá klukkan 10:00 til 18:00
Menningarveisla Sólheima 2024
Í allt sumar verður fjölbreytt dagskrá sem sjá má í blaðinu okkar
Í listasalnum í Grænu Könnunni er Sumarsýning vinnustofa Sólheima. Þar sýnir myndlistafólkið afrakstur vinnu vetrarins að metnaðarfullri listsköpun sem einkennist af einlægni og fagmennsku. Verk þeirra eiga það sameiginlegt að geisla frá sér frásagnargleði og þroskaðri næmni fyrir formum og litum.
Sesseljuhús Umhverfissetur er fræðsludagskrá annan hvern fimmtudag í sumar. Dagskráin er fjölbreytt, skemmtileg og mjög fræðandi. Í Sesseljuhúsi er einnig sýningin Sjávarfang um strandhreinsanir umhverfis Ísland ásamt ruslaskrímslum frá Kerhólsskóla.
Á miðvikudögum og laugardögum í júlí býður Garðyrkjustöðin Sunna upp á tómatatínsludaga.
Þá getur fólk komið, keypt fötu og tínt sjálft tómata. En Sunna ræktar fjölda tegunda af tómötum og allskonar grænmeti.
Sögusafn Sólheima í Sólheimahúsi verður opið í allt sumar og svo auðvitað vinsæla kaffihúsið okkar Græna kannan.
Öll velkomin að njóta með okkur í sumar!
Verið velkomin á Sólheima!
SÓLHEIMAR - Í 94 ÁR
Sólheimar eru sjálfbært samfélag þar sem rúmlega 100 einstaklingar búa og starfa saman. Sólheimar eru stofnaðir árið 1930 af Sesselju Hreindís Sigmundsdóttur (1902 – 1974). Byggðahverfið Sólheimar leggur áherslu á ræktun manns og náttúru. Rekin er öflug félagsþjónusta á Sólheimum þar sem einstaklingum með fjölbreyttan bakgrunn er veitt tækifæri til atvinnu og starfsþjálfunar, búsetu, félags- og menningarstarfs.
Fjölbreytt starfsemi fer fram á Sólheimum svo sem rekstur skógræktar- og garðyrkjustöðva sem báðar stunda lífræna ræktun einnig er rekið bakarí og matvinnsla. Verslun og listhús, kaffihús og gistiheimili. Fjöldi listvinnustofa er á Sólheimum svo sem kertagerð, listasmiðja, keramik, vefstofa, jurtastofa og smíðastofa. Íbúar Sólheima leggja metnað sinn í að taka vel á móti gestum og eru allir velkomnir að Sólheimum.
Vakin er sérstök athygli á „Á döfinni“ þar sem sérstaklega eru tilgreindir þeir atburðir sem á boðstólnum eru hverju sinni.
Verið velkomin á Sólheima!
Verið velkomin á Sólheima!
NETVERSLUN
Ný og endurbætt netverslun er komin í loftið.
Með því að smella hér flyst þú yfir í netverslunina.
Samfélagið
Rúmlega eitt hundrað manns búa í byggðahverfinu að Sólheimum. Yngsti íbúinn er nokkurra mánaða og sá elsti á áttræðisaldri.
Flestir íbúar starfa á Sólheimum en hluti íbúa vinnur annars staðar. Börn á leik- og grunnskólaaldri sækja Kerhólsskóla á Borg.
Á Sólheimum er samheldið og fjölbreytt samfélag, þar sem hver einstaklingur er mikilvægur og hefur hlutverki að gegna. Traust og virðing ríkir milli manna og íbúum og gestum líður vel. Á Sólheimum hefur á rúmum 90 árum byggst upp byggðahverfi sem er einstakt, byggðahverfi þar sem finna má öflug félags- og menningar líf og fjölbreytt atvinnutækifæri. Íbúar Sólheima leggja áherslu á að hafa á boðstólnum handunnar og heimagerðar vörur sínar.
Gestum er velkomið að taka þátt í starfi Sólheimakirkju, sækja tónleika, njóta fræðslu í Sesseljuhúsi eða bara ganga um og skoða samfélagið.
Lífræn ræktun
Sólheimar eru vagga lífrænnar ræktunar á Íslandi. Almennt er talið að upphaf lífrænnar ræktunar, ekki aðeins á Íslandi, heldur einnig á Norðurlöndunum, hafi verið á Sólheimum.
Það er því löng og sterk hefð fyrir umhverfisvitund á Sólheimum og mikil áhersla á að öll matvæli sem framleidd eru á Sólheimum fullnægi kröfum um lífræna ræktun.
Garðyrkjustöðin Sunna er einn stærsti framleiðandi á lífrænt ræktuðu grænmeti undir gleri á Íslandi. Helstu framleiðsluvörur Sunnu eru kirsuberjatómar, agúrkur, paprikur og salöt.
SJÁLFBÆRT SAMFÉLAG
Starf Sólheima byggir á starfi og hugsjónum Sesselju Hreindísar Sigmundsdóttur, stofnanda Sólheima en hún heillaðist ung af kenningum Rudolfs Steiners. Sesselja var frumkvöðull í lífrænni ræktun, ekki aðeins á Íslandi heldur líka á Norðurlöndum og er á meðal þeirra fyrstu á Íslandi sem létu sig umhverfismál varða. Einnig starfa Sólheimar eftir markmiðum byggða með skilgreind markmið (Intentional communities) og Alþjóðlegum samtökum sjálfbærra byggða (Global Ecovillage Network).
Markmið Sólheima er að skapa sjálfbært samfélag, byggt fólki sem leggur áherslu á ræktun manns og náttúru. Lögð er áhersla á sjálfbærar byggingar, eigin orkuöflun, lífræna ræktun, vinnslu afurða úr náttúrulegu hráefni og endurvinnslu. Rekstur fyrirtækja að Sólheimum skal taka mið af efnahagslegum, félagslegum og umhverfislegum áhrifum á samfélagið.
Talið er að um 15 þúsund staðir og byggðahverfi í veröldinni hafi sjálfbæra þróun að leiðarljósi. Sólheimar eru fyrsti staðurinn á Íslandi sem hlýtur erlenda viðurkenningu sem sjálfbært byggðahverfi.
Við fengum jörðina ekki í arf frá forfeðrum okkar – við fengum hana að láni frá börnum okkar
#SOLHEIMARECO Á INSTAGRAM
Það er alltaf eitthvað spennandi að gerast á Sólheimum
Fylgstu með okkur á Instagram
Stuðningur
Frá stofnun Sólheima árið 1930 hafa Sólheimar reitt sig á stuðning og styrki Sólheimavina.
Sólheimar hafa frá upphafi notið mikillar velvildar og stuðnings almennings og fyrirtækja. Sá stuðningur hefur reynst ómetanlegur við að byggja upp einstakt samfélag sem getur boðið íbúum sínum upp á góð lífsgæði.
Sem leið til að sýna þakklæti sitt hafa íbúar Sólheima í auknu mæli opnað samfélag sitt þannig að gestir geti af eigin raun séð og upplifað hið einstaka samfélag á Sólheimum.
Það eru margar leiðir til að leggja Sólheimum gott til og við metum mikils það sem til starfseminnar er lagt – það eru allir velkomnir á Sólheima.
