Sólheimar í Grímsnesi óska eftir að ráða leiðbeinanda á vinnustofur í trésmiðju og kertagerð.

Leitað er eftir jákvæðum og hugulsömum einstaklingi með ríka þjónustulund, áhuga á málefnum fatlaðs fólks, listum og handverki.

Leiðbeinandi á vinnustofum aðstoðar fatlað fólk við vinnu og athafnir daglegs lífs.

Staðan er laus nú þegar. Viðkomandi aðili þyrfti að geta hafið störf sem fyrst.

Upplýsingar um starfið veitir forstöðumaður á vinnustofum, Karen Ósk Sigurðardóttir, karen@solheimar.is

Helstu verkefni og ábyrgð:

Veita einstaklingsmiðaða aðstoð við fatlað fólk í vinnu, kaffipásum, samskiptum og athöfnum daglegs lífs út frá persónumiðuðum þörfum hvers og eins.

Taka virkan þátt í að skapa gott, vinsamlegt og valdeflandi starfsumhverfi.

Taka þátt í að hvetja til virkni, þjálfunar og þátttöku.

Aðstoða við að sinna undirbúningi og frágangi á verkefnum, hönnunarvörum og handverki.

Menntunar- og hæfniskröfur:

• Góð íslenskukunnátta
• Sveigjanleiki og hæfni í mannlegum samskiptum
• Frumkvæði, jákvæðni og sjálfstæð vinnubrögð
• Starfsmaður skal vera reyklaus og reglusamur
• Starfsmaður skal hafa hreint sakavottorð
• Reynsla af umönnunarstörfum æskileg

Sólheimar er sjálfbært samfélag þar sem um 110 einstaklingar búa og starfa saman. Þar er m.a. rekin, verslun, kaffihús, íþróttahús og sundlaug. Á vinnustofum fer fram fjölbreytt starfsemi fyrir fatlað fólk í garðyrkju, leirgerð, vefstofu, smíðastofu, listasmiðju og í kertagerð.

Hér er hlekkur til að sækja um https://alfred.is/starf/leidbeinandi-i-tresmidju-og-kertagerd-solheima