Sólheimar hlutu styrk úr samfélagssjóði EFLU

Sólheimar og Sesseljuhús hlutu styrk úr samfélagssjóði EFLU fyrir uppsetningu sýningarinnar „Hvað hef ég gert, hvað get ég gert?“. Markmið sýningarinnar er að auka umhverfisvitund og skilning á mikilvægi sjálfbærni. Sýningin er um loftslagsbreytingar og er áhugaverð fyrir unga sem aldna. Gestir munu fá margar fjölbreyttar upplýsingar um alvarleika loftslagsbreytinga og nýja von um bjartari framtíð.

Sýningin er í Sesseljuhúsi og er opin fyrir almenning og aðgangur ókeypis.

Samfélagssjóður EFLU veitir nú sína tíundu úthlutun. Samtals bárust 109 umsóknir að þessu sinni í alla flokka og hlutu 7 verkefni styrk.

Samfélagssjóðurinn var stofnaður 2013 í tilefni af 40 ára afmæli fyrirtækisins og hefur að markmiði að styðja jákvæð og uppbyggileg verkefni í samfélaginu. Alls hafa 64 frábær verkefni verið styrkt af sjóðnum.
http://www.efla.is/frettir/sjo-verkefni-fa-styrk-ur-samfelagssjodi-eflu


 

FACEBOOK

PÓSTLISTI

VEÐUR

 
 
Sólheimar sjálfbært samfélag | 801 selfoss | Iceland | Sími: 422 6000 | solheimar@solheimar.is