Sýningar

Í Sesseljuhúsi er ávallt fjöldi áhugaverðra sýninga um efni sem tengjast umhverfismálum.

Fastasýningar 

Sýningin Hrein orka – betri heimur er eina fastasýningin í Sesseljuhúsi og er jafnframt stærsta sýningin. Sýningin fjallar um endurnýjanlega orkugjafa, hún er að miklum hluta gagnvirk og mjög fróðleg fyrir alla fjölskylduna. Sýningin er unnin í samvinnu við Orkusetur, um uppsetningu og hönnun sáu Christelle Bimier og List og saga. Í vinnslu er utanhússhluti sýningarinnar, Orkugarðurinn, sem er sýning um þá sjálfbæru orkugjafa sem notaðir eru á Sólheimum, en hér eru í notkun vindmylla, sólarrafhlaða og hitaveita auk þess sem verið er að byggja litla vatnsaflsvirkjun í bæjarlæknum.

syningar


Sýningar fyrir árið 2015

Sjálfbæra heimilið
fræðir gesti á öllum aldri hvernig er hægt að vera umhverfisvænn heima hjá sér
IMG_5998

Sólheimar Sjálfbært samfélag – er sýning sem fræðir gesti um þau verkefni sem fara fram á vinnustofum Sólheima.
IMG_7875

Orkugagnagrunnurinn og Orkuskjárinn – er áhugaverð sýning sem sýnir hvaða Sesseljuhús fær raforkuna, en Sesseljuhús fær raforku frá sólarsellum, vindmyllu og frá landsnetinu.
IMG_7850

Eldri sýningar 

Sýningin Endurvinnsla og skógar var opnuð í byrjun mars í tengslum við Umhverfismars sem haldinn var á Sólheimum, en umhverfisfræðsla var í fyrirrúmi allan mánuðinn. Sýningin er gerð úr umbúðum og öðru sem í daglegu tali er kallað rusl og til féll á einni viku hjá íbúum Sólheima. Afraksturinn varð svokallað skógarherbergi en þar getur að líta ævintýralegan og afar fallegan skóg úr rusli. Ástæða þess að gerður var skógur úr ruslinu er að árið 2011 er tileinkað skógum hjá Sameinuðu þjóðunum og getur að líta fræðslu um mikilvægi skóga á sýningunni auk umfjöllunar um umhverfismarsinn. Umsjónarmaður sýningarinnar

Sýningin Sjálfbær ferðamennska verður opnuð um miðjan maí og er unnin í samstarfi við ferðamálafræði Háskóla Íslands. Nemendur í námskeiðinu Ferðamennska og umhverfi útbjuggu sýningarskilti um efnið sem hanga frammi í Sesseljuhúsi.

Sýningin Sjálfbærar byggingar verður einnig opnuð um miðjan maí og fjallar um mismunandi tegundir sjálfbærra bygginga. Sýningin er unnin af starfsnemunum David Burt og Brennan Long sem báðir leggja stund á nám í arkítektúr og störfuðu við húsið s.l. haust.

 

FACEBOOK

PÓSTLISTI

VEÐUR

 
 
Sólheimar sjálfbært samfélag | 801 selfoss | Iceland | Sími: 422 6000 | solheimar@solheimar.is