Vinamót Suðra og Gnýs

Laugardaginn, 2. mars var haldið íþróttamót vinafélaganna Íþróttafélagsins Suðra Selfossi og Gnýs hér á Sólheimum.
þátttakendur voru um tuttugu og tveir í hvoru liði, spiluðu Boccia og skemmtu sér saman.

Margir komu að því að gera daginn mögulegan og má þá nefna  Cell hópinn, sjálfboðaliða og starfsmenn. Þeim eru öllum færðar bestu þakkir.
Skipulagið var á þá leið að þátttakendum var skipt upp í þrjá blandaða hópa sem færðust á milli stöðva. Einn hópurinn keppti í Boccia í Íþróttaleikhúsinu, annar hafði kost á að fara í sundlaugina að leika sér með bolta og dýnur á meðan tónlistin ómaði frá bakkanum, fáir fóru í sund enda var vatnið frekar blautt! Þriðji hópurinn fór í Grænu könnuna og horfði á gömul leikrit sem sýnd voru á breiðtjaldi, spjölluðu saman og slökuðu á.

Útsláttarkeppni var haldin í hverjum hóp þar sem eitt lið stóð uppi sem sigurvegari, sem síðar keppti til úrslita fyrir hönd síns hóps.
Áður en úrslitakeppnin fór fram var slegið upp veislu og boðið upp á heimabakaðar speltpítsur í Grænu könnunni.

Í lokin söfnuðust síðan allir saman í Íþróttleikhúsinu og horfðu á liðin keppa til úrslita um fyrsta, annað og þriðja sæti.

Ástæða fyrir þessu fyrirkomulag er að við höfðum bar einn völl til að spila á en náðum þessu þó á fimm tímum og tíu mínutum sem við teljum gott.

Sigurvegarar fengu síðan afhend táknræn verðlaun útbúin af Kertagerðinni.

Íþróttfélagið Gný færði líka vinum sínum í Suðra verðlaun úr tré sem Smíðastofan útbjó sem virðingavott  um skemmtilegan dag !
Við hér á Sólheimum þökkum góðum vinum okkar í Suðra fyrir komuna.