Hitaveita Sólheima er sjálfstætt starfandi fyrirtæki í eigu Sólheima. Hitaveitan annast dreifingu á heitu- og köldu vatni um byggðina.

Hitaveitan á tvær borholur með heitu vatni og er önnur þeirra í notkun, unnið er að því að tengja hina borholuna við veitukerfi Sólheima til að betur megi tryggja öryggi á heitu vatni í byggðinni.

Sólheimar eru með skiptisamning við Stærri Bæ um skipti á heitu og köldu vatni og kemur allt kalt vatn Sólheima frá Stærri Bæ.

Auk þess reka Sólheimar eigið dreifikerfi fyrir sjónvarp og fráveitu.