Blíðfinnur – Leikfélag Sólheima 2015

Leikfélag Sólheima sýnir Blíðfinn í Íþróttaleikhúsinu á Sólheimum.
Leikritið byggir á tveimur fyrstu bókum Þorvalds Þorsteinssonar (1960 – 2013).
Aðalpersónan er drengurinn Blíðfinnur og fjallar sagan um ævintýraför hans þar sem hann rekst á marga kynlega kvisti og einkennileg fyrirbæri. Bækur Þorvaldar hafa verið þýddar á fjölda tungumála og fengið barnabókaverðlaun. Þorvaldur skrifaði einnig Skilaboðaskjóðuna sem sýnd var á Sólheimum árið 2013. Reynir Pétur Steinunnarson Sólheimabúi samdi tónlistina í verkinu sem hann mun flytja með dyggri aðstoð. Eins mun hann leika frumsamda tónlist sína fyrir sýningar.

Með leikstjórn verksins fer Þórný Björk Jakobsdóttir.

Frumsýning verður að venju á sumardaginn fyrsta, fimmtudaginn 23. apríl kl 15:00.

Sýningar eru eftirfarandi:

Laugardagur 25. apríl kl 16:00
Sunnudagur 26. apríl kl 15:00
Laugardagur 2. maí kl 15:00
Sunnudagur 3. maí kl 15:00 – lokasýning.

Verð
1.500 kr. fullorðnir  
800 kr. börn 7-12 ára 
Frítt fyrir yngri börn.

Miðapantanir í síma: 847-5323

Opið verður í kaffihúsinu Grænu könnunni og versluninni Völu.
Menningarveisla verður svo í allt sumar.

Verið hjartanlega velkomin.
Sólheimar 85 ára afmæli 1930-1915.

 

FACEBOOK

PÓSTLISTI

VEÐUR

 
 
Sólheimar sjálfbært samfélag | 801 selfoss | Iceland | Sími: 422 6000 | solheimar@solheimar.is