Markmið félagsþjónustu Sólheima er að veita einstaklingum tækifæri og stuðning.

Tilfinning allra þeirra sem búa á Sólheimum á að vera að þeir séu að leggja gott til samfélagsins og að starf þeirra og annað innlegg sé mikilvægt.

Hafa ber hugfast að verið er að vinna inn á einkaheimili skjólstæðings og að einstaklingar eru fyrst og fremst studdir til sjálfshjálpar. Virða ber friðhelgi hvers einstaklings og trúnað við hann.

Félagsþjónusta leggur áherslu á að skjólstæðingar koma úr fleiri áttum en eingöngu fatlaðir einstaklingar í hefðbundnum skilning þess orðs.
 

Byggt er á fagteymi sem samanstendur af þroskaþjálfa, iðjuþjálfa, presti og hjúkrunarfræðing.  Þetta fagteymi vinnur heildstætt með hvern einstakling en ekki á ákveðnu og afmörkuðu sviði.